Mellom vinrankene i Bourgogne: Beaune - Chalon-sur-Saone 45 km

Ørnulf, Pilfinnersken, Han der og Hu der starta sykkelturen på Hotel Panorama Beaune utanfor Beaune. Hotellet låg midt i vinmarkene, og vi sykla rett ut i dei. 800 m etter hotellet svingde vi inn mellom to murgjerder, og der var vi, litt oppe i lia, snirklande mellom vinmarkene frå landsby til landsby. Vinrankene i Bourgogne er ganske låge, og dei kjører med maskinar i åkrane, det kan vere grunnen til at dei held dei så låge som ein meter. 

Landsbyane vi sykla gjennom kan forvekslast med ei vinliste: Beaune - Pommard - Volnay - Mersault - Puligny-Motrachet - Corpeau - Chagny - Rully - Mellecey - Germolles  - Givry -  (Chalon-sur-Saône)

Overalt er det velstand, det har lønt seg i mange generasjonar å dyrke god vin. Mellom vinmarkene går det små gardsvegar som har blitt til Voie Verte, det grøne sporet, og er ein del av eit sykkelvegnett over heile Frankrike. Ein har brukt nedlagde jernbanespor, bygdevegar m.m. og laga sykkelveg. vi sykla oppe i lia og langs kanalen, Canal du Centre, ein kanal som går vestover til Loire-elva. Bygd for å frakte kol frå gruvene i Bourgogne.

Ruta vår passerete ogsaa eit svært slott, kor same familien har budd i 500 år. Vidare kom vi til Chagny på marknadsdagen, søndag. Markedet bugna av pølser, ost, frukt og grønnsaker, men også sko, klær og andre varer. Damene fekk kjøpt seg både klær og sko, mennene lærvesker til Iphone/pengar/kort, og alle var glade. Vi kjøpte også ein flott grilla Bressekylling som vi tok med til pique-nique. Det einaste som var vanskeleg i få tak i, var vatn. Det enda med at vi kjøpte ei flaske i neste landsby, kor vi også tok måltidet. Kylling og jordbær. Vinen venta vi med til kvelden i Chalon-Sur-Saone. Burgundervin er kjent, og spesielt finn vi mykje god kvitvin i distriktet.

Alt gjekk veldig fint, kart og vegbeskriving var upåklageleg, syklane ok, om enn tunge i forhold til dei vi har heime. Det var sol, omlag 25 grader, og alle vari godt humør. Hotellet vi komfram til i Chalon viste seg også å vere nyoppussa og fint,  Hotel Le Saint Georges 

Blomar langs vegen: fantastiske rosebuskar og klatreroser, kala, iris og peonar i dei flotte hagane. 

Kart og vegbeskriving laga av Rückenwind, som vi har gode erfaringar med. Operatør er eit fransk selskap; France a velo.

. 

Nordsjøruta Sandnes - Sola - Bore + Kleppe og heim 54 km

Her er dagens rute på Runkeeper.

Vi fann skilta for Nordsjøruta, versjon 1B, på Stangeland i Sandnes, "bak rådhuset". I staden for å sykle på sykkelsti langs trafikkert veg over Soma, tok Nordsjøruta oss gjennom byggefelta på Stangeland, over rv. 44 til Malmheim, langt strekk på grusveg utan trafikk. Ut på Jutlandsvegen, også med lite trafikk, deretter over myrene på KIllinglandveien - litt søndagstrafikk der, og ut til sjøen: Ølberg, Vigdel og Hellestø. Veret blei bare betre og betre, og Nordsjøruta var godt skilta og lett å finne. Over i Klepp var skiltinga ikkje like god, men lokalkjennskap hjelpte: Sele, over hengebrua til Bore, ein tur ned i sanddynene, frå Bore mot Kleppe. Ved vegen til Horpestad sa me farvel til Nordsjøveien og sykla til Kleppe, og derfrå heim til Sandnes.

Nordsjøvegen er framleis ikkje den raskaste vegen mellom to punkt, men svært fin og opplevelsesrik. Ved Vigdel passerer han helleristningar, vi syklar på stranden osv. - Hadde "the missing link" av vegen langs stranden vore klar, hadde det vore endå finare, men det skal kome: Til Aftenbladet sitt oppslag om dette.

Mange blide folk å sjå langs vegen i fint ver. Syklistar, joggarar, folk som gjekk og tålmodige bilistar.

Runkeeper - eit nytt, kjekt leiketøy - eller nyttig verktøy?

I dag har eg brukt appen Runkeeper for første gong til å få kart over løypa vi syklar. Eg lasta ned appen på Iphone (gratis), fekk ein epost og registrerte meg, og vips, så kunne eg bruka han på søndagsturen. Me sykla på sykkelsti utanom bilveg, i Sandvedparken og langs det gamle jernbanesporet frå Foss-Eikeland til Bråstein. Utfordringa var om Runkeeper kunne følgje oss utanom bilveg. Det gjorde han. Me fekk ei nøyaktig kartteikning av kor me hadde sykla, sjå biletet. GPS er ikkje dumt!

Runkeeper kan gjere mykje meir enn å teikne kart. Han (ho) snakka kvart femte minutt om kor langt eg haddes sykla og kor fort, det same får eg diagram om. Vil eg ha meir, kan eg kjøpe tillegg og få måle puls og få det meste. Eg syns det er strålande å få kart!

Ei skjult perle - sykkelstien langs den gamle jernbanen frå Foss-Eikeland til Ålgård.